Azərbaycan, Bakı, 05 iyun / Trend , müxbir S.Ağayeva/ Azərbaycan və İtaliya yaxın vaxtlarda siyasi məsləhətləşmələr aparmağı planlaşdırırlar.
Azərbaycanın İtaliyadakı səfirliyindən cümə axşamı verilən məlumata görə, Azərbaycan və İtaliya Xəzər və Aralıq dənizi regionlarında əsas dövlətlər kimi beynəlxalq əməkdaşlığın perspektivlərini müzakirə edəcək. Danışıqlarda siyasi və iqtisadi əlaqələrin inkişaf perspektivləri müzakirə olunacaq.
Diplomatik nümayəndəlikdən verilən məlumata görə, Xarici İşlər Nazirlikləri arasında keçiriləcək məsləhətləşmələrdə beynəlxalq təşkilatlar çərçivəsində əməkdaşlıq, Azərbaycanın Avropa strukturları və NATO-ya inteqrasiyasında İtaliyanın köməyi, narkotik maddələr, kimyəvi silahların yayılması və qanunsuz miqrasiyaya qarşı mübarizə məsələlərində qarşılıqlı fəaliyyət üzrə məsələlər blokuna baxılacaq.
Görüşlər zamanı Əzimov diqqəti Xəzər regionunda əsas rol oynayan Azərbaycanın artan potensialına yönəldib və qeyd edib ki, İtaliya da, öz növbəsində, Aralıq dənizi regionunda mühüm yer tutur. Onun sözlərinə görə ümumilikdə, iki ölkənin əməkdaşlığı regionlar arasında əməkdaşlığa böyük töhfə verə bilər.
Məqalə müəllifi ilə əlaqə ünvanı: trend
