...

Azərbaycanın Ali və apellyasiya məhkəmələrinə namizədlərin adları açıqlanıb

Siyasət Materials 12 İyun 2008 16:04 (UTC +04:00)

Trend-i buradan izləyin

Azərbaycan,Bakı,12 iyun / Trend , müxbir K.Zərbalıyeva/ Milli Məclis cümə günü keçiriləcək iclasında Ali Məhkəmə və Bakı, Gəncə, Sumqayıt , Şirvan apellyasiya məhkəmələrinə hakimləri təsdiq edəcək.

Bir neçə gün əvvəl Məhkəmə-Hüquq Şurası prezidentə həmin məhkəmələrdə hakim işləmək üçün namizədlərin siyahısını təqdim edib.

Trend -a millət vəkili Zahid Oruc bildirilib ki, Bakı Apellyasiya Məhkəməsinin hakimləri Rəşadət Ağayev, İlham Cəfərov, Ələsgər Əliyev, Akif İsgəndərov, Tatyana Qoldman, Əli Seyfəliyev Ali Məhkəməyə, Mirzəli Abbasov, Aygün Abdullayeva, Mədinə Bağırova, Həsən Əhmədov, Mehparə Əhmədova, Mehti Əsədov, Əflatun Qasımov, Faiq Qasımov, Məmməd Məmmədov, Vaqif Mursaqulaov, Camal Ramazanov, Cəmilə Səfiyeva Bakı Apellyasiya Məhkəməsinə hakim vəzifəsinə təklif olunublar.

Vəli Abdullayev, Şəfiqə Əliyeva, Rahib Nəbizadə Gəncə, Azər Hüseynov, Telman Quliyev, Lətifə Məmmədova, Hüseyn Nəbiyev, Afaq Nuriyeva, Gülnarə Tağızadə Sumqayıt, Kamran Əkbərov, İmran Hacıqayıbov və Zeynal Zeynalov Şirvan apellyasiya məhkəməsinə hakimliyə təqdim olunublar.

Azərbaycanda hazırda 327 hakim fəaliyyət göstərir. Onlardan 27-si Ali Məhkəmənin, 31-i Bakı, hər birində 7nəfər olmaqla, Gəncə, Sumqayıt, Şirvan və Şəki şəhər Apellyasiya məhkəmələrinin hakimləridir.

Qanunvericilikdə Ali Məhkəmənin hakimlərinin sayı 45, Bakı Apellyasiya Məhkəməsində 50, digər apellyasiya məhkəmələrində isə 14 nəfər müəyyənləşdirilib.

Azərbaycan hakimlərinin sayına görə, Avropa ölkələri sırasında sonuncu yerlərdən birini tutur. Hakimlərin sayının azlığı məhkəmələrdə iş yükünün çox olmasına səbəb olub.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti