Azərbaycan, Bakı, 11 avqust / Trend , müxbir R.Novruzov/ Azərbaycan Xarici İşlər Nazirliyi Gürcüstandan Azərbaycana viza alınması prosedurunu yüngülləşdirib. Bu barədə bazar ertəsi keçirilən mətbuat konfransında Azərbaycan XİN-in mətbuat katibi Xəzər İbrahim bildirib.
Onun sözlərinə görə, son 2-3 gün ərzində yüzlərlə xarici vətəndaş Gürcüstandan Azərbaycana keçib.
Nazirlik bu addımı tanınmamış Cənubi Osetiya ərazisində aparılan hərbi əməliyyatlarla bağlı həyata keçirib.
İbrahim həmçinin qeyd edib ki, Azərbaycanın Gürcüstandakı səfirliyi normal iş rejimində fəaliyyət göstərir.