Bu gün Türkiyədə Ergenekon terror təşkilatının məhkəməsi başlayır. Bu barədə CNNTURK məlumat verib.
Məhkəmədə Ergenekon terror təşkilatı ilə əlaqəsi olduğu bildirilən 86 nəfər şəxs müttəhim kürsüsünə əyləşəcək. Müttəhimlərdən 46-sı haqqında artıq həbs qətimkan tədbiri seçilib. Müttəhimlər arasında təqaüddə olan general Vəli Küçük, İşçi Partiyasının sədri Doğu Perinçek, "Cumhuriyyet" qəzetinin baş redaktoru İlhan Səlcuk və İstanbul Universitetinin keçmiş rektoru Kamal Ələmdaroğlu da var.