Gürcüstanın radikal müxalifəti yeni etiraz aksiyalarına hazırlaşır
Gürcüstan, Tbilisi 21 oktyabr / Trend müxbir N.Kirtsxalia/ Gürcüstanın radikal müxalifəti yeni etiraz aksiyalarına hazırlaşır. Bu barədə ötən gün, Gürcüstan parlamentinin qarşısında keçirdiyi brifinqdə, müxalifət liderlərindən biri Levan Qaçeçiladze bildirib.
Onun sözlərinə görə noyabrın 7-də saat 14:00-da birləşmiş müxalifət qüvvələri parlament binası qarşısında aksiya keçirəcək. Bu aksiya ötən il noyabrın 7-də baş vermiş hadisələrə həsr olunub.
Ötən il noyabrın 7-də polislər tərəfindən müxalifət mitinqi dağıdıldıqdan sonra prezident və parlament seçkilərinin keçirildiyini xatırladan Qaçeçiladze, noyabrın 7-si hadisələrini avqustun 7-sində baş verənlərlə bağlad.
Hazırda keçiriləcək mitinqə hansı qüvvələrin qoşulacağı məlum deyil. İlkin məlumata görə, aksiyada "Yeni sağlar" və mühafizəkarlar iştirak edəcək.
Məqalə müəllifi ilə əlaqə ünvnanı: [email protected]
