Azərbaycanın müxalif partiyalarının təmsil olunduğu ittifaq referendumla bağlı qərargah yaradıb
Azərbaycan, Bakı, 09yanvar / Trend , müxbir A.Hüseynbala/ Azərbaycanın müxalif partiyalarının təmsil olunduğu ittifaq referendumla bağlı qərargah yaradıb.
"Demokratiya Uğrunda İttifaqın Sədrlər Şurasının iclasında martın 18-də keçiriləcək referendumla bağlı qurumun mövqeyi və fəaliyyət istiqamətləri müzakirə edilib", -cümə günü Trend -a DUİ-də təmsil olunan Klassik Xalq Cəbhəsi Partiyasının (KXCP) sədri Mirmahmud Mirəlioğlu bildirib.
Trend -un arayışı: Azərbaycan parlamenti ötən ayın sonunda keçirilmiş iclasında Konstitusiyaya əlavələr və dəyişikliklər edilməsi ilə bağlı referendumun martın 18-də keçirilməsi barədə qərar qəbul edib.
Konstitusiyanın 29 maddəsinə dəyişiklik edilməsinə dair referendumun keçirilməsi barədə qərar verilib.
Azərbaycan Respublikası Konstitusiyasının mətninə dəyişikliklər yalnız referendum vasitəsilə daxil edilə bilər (maddə 152). AR Konstitusiyasının mətninə dəyişikliklər Milli Məclis və ya prezident tərəfindən təklif edilirsə, o zaman təklif edilən dəyişikliklər üzrə əvvəlcədən AR Konstitusiya Məhkəməsinin qərarı alınmalıdır (maddə 153).
Azərbaycan Konstitusiyası 1995 - ci ildə referendum yolu ilə qəbul olunub, 2002 - ci ildə Əsas Qanuna əlavə və dəyişikliklər edilib.
Azərbaycanın hakim partiyası "Yeni Azərbaycan", müxalif Müsavat Partiyası "Respublikaçılar" təşəbbüs qrupları yaradıblar. Mərkəzi Seçki Komissiyası YAP-ın təşəbbüs qrupunun qeydə alınması üçün bildiriş verib.
Azərbaycan Sosial Demokrat Partiyasının (ASDP) həmsədri Araz Əlizadə hesab edir ki, müxalifət partiyalarının referendumla bağlı yaratdıqları təşəbbüs qruplarının məqsədi yalnız müxalifət sözünün varlığını sübut etməkdir.
"Müxalifətin yaratdığı təşəbbüs qruplarının heç bir səmərəsi olmayacaq. Qrupların yaradılmasının heç bir əsası və mənası yoxdur. Yeganə məqsəd səs-küy salıb, müxalifət sözünün varlığını sübut etməyə çalışmaqdır", cümə günü Trend -a Əlizadə bildirib.
YAP-ın icra katibinin müavini Mübariz Qurbanlı isə, əvvəllər jurnalistlərə bildirib ki, Konstitusiyaya dəyişikliklərlə bağlı referendumun keçirilməsi zəruridir.
Sədrlər Şurasının iclasında referendumla bağlı müxtəlif siyasi partiya, qeyri-hökumət təşkilatları və ayrı-ayrı şəxslərdən daxil olan müraciət və təklifləri dəyərləndirilib. "Bu məsələ ilə bağlı demokratik qüvvələrlə sıx əməkdaşlıq edilməsi qərar alınıb", - Mirəlioğlu əlavə edib.
Dеmокrаtiyа Uğrunda İttifаqı 2005 - ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008 - ci il sеntyаbrın əvvəllərində Böyüк Azərbаycаn, nоyаbr аyındа Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur.
Məqalə müəllifi ilə əlaqə ünvanı: [email protected]
