Azərbaycan, Gəncə, 24 yanvar / Trend , müxbir V.Məmmədov/ Rusiya Federasiyasında qətl törətməkdə şübhəli bilinən şəxs Azərbaycanın qərbində yerləşən Samuxda (paytaxt Bakıdan 360 km məsafədə) saxlanılıb.
Samux rayon polis şöbəsinin rəis müavini Yaşar Hüseynov şənbə günü Trend -a bildirib ki, Gədəbəy rayon sakini 25 yaşlı Ramin Abdullayev Rusiyanın Yekaterinburq şəhərində 2007-ci il avqustun 11-də bir nəfər qadının evini qarət edib.
O, tanışı olduğu qadının mənzilindən 10 min dollara yaxın pul oğurladıqdan sonra mənzili yandırıb. Oğurluğun şahidi olmuş 24 yaşlı Anna Nazarenkonu isə bıçaqla qətlə yetirəndən sonra başını kəsib.
Abdullayev Rusiyanın hüquq-mühafizə orqanları tərəfindən beynəlxalq axtarışa verilib.
Rəis müavini bildirib ki, Abdullayev 2 ildir beynəlxalq axtarışdadır. Abdullayevin Samuxda gizləndiyi müəyyən olunub və o, Gəncədə saxlanılıb.
Onun Rusiyaya ekstradisiya olunması ilə bağlı bu ölkənin hüquq-mühafizə orqanları ilə danışıqlar aparılır.
Abdullayev barəsində Rusiyanın Cinayət Məcəlləsinin 105-ci maddəsi ilə cinayət işi açılıb.
Məqalə müəllifi ilə əlaqə ünvanı:[email protected]
