Azərbaycan, Bаkı, 17 aprel / Trend , müxbir A.Hüseynbala /
Azərbaycanın müxalif partiyalarının təmsil olunduğu alyans bələdiyyə seçkilərində iştirakla bağlı qəti qərara gələ bilmir.
"İndi birliyə daxil olan partiyaların hər birində bu məsələnın müzakirəsi gedir. Qəti qərarımızı may ayının əvvəllərində elan edəcəyik", - cümə günü Trend -a Azərbaycan Tərəqqi Alyansında (ATA) təmsil olunan Tərəqqi Partiyasının sədri Çingiz Dəmiroğlu bildirib.
Trend -un arayışı: Azərbaycanda bələdiyyə seçkisi 2009-cu ilin payızında, parlament seçkisi isə 2010-cu ilin payızında keçirilməlidir. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Dəmiroğlunun sözlərinə görə, ATA-nın blok şəklində seçkilərdə iştirakı üçün xeyli problemlər var. "Bu səbəbdən partiyaların ayrı-ayrılıqda iştirakı daha məqbul variantdır", - partiya sədri əlavə edib.
Onun fikrincə, alyansa daxil olan partiyalar bələdiyyə seçkilərində ayrı-ayrılıqda namizədlərini irəli sürsələr də, təbliğat kampaniyasını birgə keçirib, səsvermə zamanı bütün namizədləri eyni şəkildə müdafiə etmək mümkündür. "Müzakirələr nəticəsində məhz belə qərar çıxaracağımız daha inandırıcıdır", - Dəmiroğlu deyib.
Tərəqqi Pаrtiyаsı rаdikаl müxаlifət pаrtiyаsı kimi 10 ildən аrtıq fəаliyyət göstərib. 2008-ci ilin yаyındа lоyаl müxаlifətçiliyə kеçməк və prеzidеntliyə nаmizəd Ilhаm Əliyеvi dəstəkləməк bаrədə qərаr qəbul еdib.
Azərbaycan Tərəqqi Alyansı 1993-cü ildə təsis olunub. Blokda 21 müxalifyönlü partiya təmsil olunur. Alyans bu partiyaların əməkdaşlıq qurumudur.
Məqalə müəllifi ilə əlaqə ünvanı:[email protected]