Azərbaycan, Bakı, 24 iyun / Trend , müxbir A.Hüseynbala /
Azərbaycanın müxalifət partiyasının rəhbərliyi İsveçə dəvət olunub.
"İsveçin hakim "Moderat" partiyası partiyamızın rəhbərliyini bu ölkəyə rəsmi səfərə dəvət edib", - çərşənbə günü Trend -a Azərbaycan Milli İstiqlal Partiyasının (AMİP) mətbuat və təbliğat katibi, partiyanın internet qəzetinin baş redaktoru Əli Orucov bildirib.
Trend -un arayışı: АMİP 1992-ci ildə yаrаdılаn və Аzərbаycаndа ilk dövlət qеydiyyаtınа аlınаn pаrtiyаdır. Etibar Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Ondan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən gediblər.
Orucovun səzlərinə görə, səfər zamanı partiya funksionerlərindən ibarət nümayəndə heyətinin İsveçin Baş naziri, parlament komitələrinin üzvləri və kütləvi informasiya vasitələrinin nümayəndələri ilə görüşləri nəzərdə tutulub.
AMİP dünyanın 60-dan çox ölkəsinin 83 sağ mərkəzçi partiyalarını özündə birləşdirən Beynəlxalq Demokrat İttifaqının 1998-ci ildən üzvüdür. AMİP lideri Etibar Məmmədov isə 2003-cü ildən həmin nüfuzlu beynəlxalq təşkilatın sədr müavinidir.
AMİP-lə İsveçin hakim "Moderat" partiyası arasında əməkdaşlıq da həmin illərdən başlayır.
Məqalə müəllifi ilə əlaqə ünvanı:[email protected]
