Azərbaycan, Bakı, 22 avqust / Trend , müxbir C.Babayeva /
Azərbaycanın eks-prezidenti, milli azadlıq hərəkatının lideri Əbülfəz Elçibəyin vəfatının ildönümü ilə bağlı müxalifət liderləri şənbə günü onun məzarını ziyarət ediblər.
Mərasimə Müsavat, "Azadlıq" blokuna daxil olan Xalq Cəbhəsi, Vətəndaş və İnkişaf, Liberal partiyaları, Klassik Xalq Cəbhəsi və Xalq partiyalarının təmsilçiləri qatılıblar.
Bu gün Azərbaycanın eks-prezidenti, milli azadlıq hərəkatının lideri Elçibəyin vəfatından doqquz il ötür. Elçibəy 2000-ci il avqustun 22-də Türkiyədə, müalicə olunduğu "Gülhanə" xəstəxanasında vəfat edib.
Onun prezidentliyi dövründə sovet qoşunları ölkədən çıxarılıb, Azərbaycanın milli valyutası dövriyyəyə buraxılıb, ali məktəblərə qəbul imtahanlarında test üsulu tətbiq edilib.
Məqalə müəllifi ilə əlaqə ünvanı: [email protected]
