Azərbaycan, Bakı, 2 iyun /Trend, müxbir S.Ağayeva/
Azərbaycan XİN başçısı çərşənbə axşamı ABŞ dövlət katibinin Avrasiyada enerji məsələləri üzrə xüsusi elçisi Riçard Morninqstarı qəbul edib. Bu barədə Azərbaycan XİN-in məlumatında deyilir.
Görüşdə tərəflər Azərbaycanla ABŞ arasında enerji əməkdaşlığının cari vəziyyətini müzakirə ediblər, eləcə də Xəzər regionunda enerji layihələrinin reallaşdırılması üzrə fikir mübadiləsi aparıblar.