Azərbaycan Prezidenti İlham Əliyev 2010-cu il iyulun 13-də Ankara şəhərində imzalanmış "Azərbaycan Respublikasının Qiymətli Kağızlar üzrə Dövlət Komitəsi və Türkiyə Respublikasının Kapital Bazarı Şurası arasında əməkdaşlıq və informasiya mübadiləsi haqqında Anlaşma Memorandumu"nun təsdiq edilməsi barədə sərəncam imzalayıb. Məlumatı şənbə günü AzərTAc Dövlət İnformasiya Agentliyi yayıb.
Qiymətli Kağızlar üzrə Dövlət Komitəsinə tapşırılıb ki, Memorandumun həyata keçirilməsini təmin etsin.
Xarici İşlər Nazirliyinə Memorandumun qüvvəyə minməsi üçün zəruri olan dövlətdaxili prosedurların yerinə yetirilməsi barədə Türkiyə Respublikası tərəfini xəbərdar etmək tapşırılıb.