Azərbaycan, Bakı, 6 oktyabr /Trend, müxbir K. Zərbalıyeva/
Bakıda naməlum şəxslər şəhər sakininin evindən 50 min manatlıq qızıl əşyaları aparıb.
Daxili İşlər Nazirliyi mətbuat xidmətinin çərşənbə günü yaydığı məlumata görə, oktyabrın 5-də saat 22:05 radələrində maskalanmış 3 naməlum şəxs Mərdəkan qəsəbəsində yaşayan Ələsgər Qocamanovun evinə girib, onu və arvadı Rəfiqəni, habelə onlarda qonaq olan Səidə Əliyarbəyovanı və Aynur Cabbarlını bıçaqla hədələyib, əl-ayaqlarını yapışqanlı lentlə bağlayıblar.
Onlar evdən 50 min manat dəyərində qızıl əşyaları aparıblar.
Xəzər Rayon Polis İdarəsi tərəfindən əməliyyat-axtarış tədbirləri aparılır.