Azərbaycan Prezidenti İlham Əliyev Danimarkanın Kraliçası II Marqreteni təbrik edib. Məlumatı cümə günü Prezidentin rəsmi saytı yayıb.
"Danimarka Krallığının milli bayramı - Təvəllüd gününüz münasibətilə Sizə və Sizin simanızda bütün xalqınıza ən səmimi təbriklərimizi yetirirəm. Əminəm ki, Azərbaycan ilə Danimarka arasındakı dostluq və əməkdaşlıq münasibətlərinin inkişafı daim xalqlarımızın rifahına xidmət edəcəkdir", - təbrik məktubunda deyilir.
İlham Əliyev xanım II Marqreteyə möhkəm cansağlığı, işlərində uğurlar, dost Danimarka xalqına əmin-amanlıq və firavanlıq diləyib.