Fotoşəkillər əlavə olunub (birinci xəbər 11:22-də yayılıb)
Azərbaycan, Bakı, 27 may /Trend/
Azərbaycan Respublikasının Prezidenti İlham Əliyev mayın 27-də Respublika Günü münasibətilə paytaxtın İstiqlaliyyət küçəsində Azərbaycan Xalq Cümhuriyyətinin şərəfinə ucaldılmış abidəni ziyarət edib, məlumatı Prezidentin rəsmi saytı yayıb.
Abidənin ətrafında fəxri qarovul dəstəsi düzülüb.
Dövlətimizin başçısı abidənin önünə əklil qoydu. Azərbaycan Respublikasının dövlət himni səsləndirildi.
Mərasim başa çatdıqdan sonra Azərbaycan Respublikasının Prezidenti İlham Əliyev İstiqlaliyyət küçəsində və metronun "İçərişəhər" stansiyasının ətrafında görülmüş işlərlə tanış olub.
Fotoşəkillər - Azərbaycan Prezidentinin rəsmi internet saytı
