Azərbaycan, Bakı, 10 dekabr /Trend/
Polşa, Bolqarıstan və İsveçin xarici işlər nazirləri dekabrın 11-də Cənubi Qafqaz ölkələrinə səfər etməyi planlaşdırırlar. Bu barədə bazar ertəsi Trend-ə diplomatik mənbə bildirib.
Səfərin məqsədi regionun hər üç ölkəsində ictimai-siyasi vəziyyətlə tanışlıqdır. Bununla əlaqədar olaraq, Azərbaycan, Gürcüstan və Ermənistanın rəsmi şəxsləri ilə görüşlər keçiriləcək.
Nazirlərin ilk səfəri Azərbaycana olacaq.
Polşanın Azərbaycandakı səfirliyindən Trend-ə bildiriblər ki, bu ölkənin XİN rəhbəri Rodoslav Sikorski gərgin iş qrafiki səbəbindən regiona səfərini ləğv edib. Onu əvəzinə regiona Polşa Prezidenti Administrasiyasının rəhbəri Yatsek Mixalovski səfər edəcək.