Azərbaycan, Bakı, 13 fevral /Trend/
Ermənistanın səhiyyə naziri Derenik Dumanyan 24 gündür aclıq aksiyası keçirən ölkə prezidentliyinə namizəd Andrias Qukasyana yenidən baş çəkib.
Trend-in çərşənbə günü Ermənistan KİV-ə istinadən verdiyi məlumata görə, nazir bildirib ki, aclığın bu mərhələsində insan oqranizmində ağır fəsadlara yol aça bilən dəyişikliklər baş verir.
Qukasyan namizədə baş çəkdikdən sonra qabaqcıl mütəxəssislərin iştirakı ilə müşavirə keçirib. Müşavirədən sonra Dumanyan namizədin aclıq etdiyi yerin yaxınlığında Təcili Tibbi Yardım Xidmətinin reanimatoloqlardan ibarət növbətçi briqadanın dayanması barədə göstəriş verib.