Azərbaycan, Bakı, 15 fevral /Trend, müxbir E.Mehdiyev/
Azərbaycan Fövqəladə Hallar Nazirliyinin Nüvə və Radioloji Aktivliyin Tənzimlənməsi üzrə Dövlət Agentliyi radiasiya təhlükəsizliyi haqqında yeni qanun layihəsi hazırlayıb. Trend-in məlumatına görə, bunu agentliyin rəhbəri Vüqar Hüseynov "Azərbaycanın radiasiya təhlükəsizliyi infrastrukturunun gücləndirilməsi və dəstəkləyici xidmətlərinin inkişafı" üzrə tvinninq layihəsinin təqdimetmə mərasimində deyib.
Hüseynov qeyd edib ki, qanun layihəsi baxılması üçün ötən ilin sonunda FHN-ə göndərilib.
Qanun layihəsində Beynəlxalq Atom Enerjisi Agentliyinin bir çox tələbləri, Azərbaycan Nazirlər Kabinetinin təklifləri öz əksini tapıb.