Azərbaycan, Bakı, 27 avqust /Trend/
Misir Suriya haqqında qətnaməni dəstəkləyir, amma münaqişənin hərbi həllini qəbul etmir. Trend-in RİA Novostiyə istinadən verdiyi məlumata görə, bunu Misirin XİN rəhbəri Nabil Fəxmi deyib.
"Suriya münaqişəsinin hərbi həlli mövcud deyil. Yeganə yol siyasi həlldir" - deyə Fəxmi bildirib.
Onun sözlərinə görə, Misir münaqişənin siyasi həllini "Cenevrə-2" danışıqları əsasında görür.
"Siyasi həll qarşılıqlı anlaşma və razılıq ilə olmalıdır. Əks təqdirdə insan itkilərinin sayı durmadan artacaq" - deyə Fəxmi əlavə edib.