Azərbaycan, Bakı, 25 sentyabr/ Trend, müxbir Səbinə Əhmədova/
Azərbaycanın xarici işlər naziri Elmar Məmmədyarov BMT Baş Assambleyasının 69-cu sessiyasında iştirakı çərçivəsində Seynt Vinsent və Qrenadinin xarici işlər naziri Kamillo Qonzalves ilə görüşüb.
Azərbaycanın Xarici İşlər Nazirliyinin mətbuat xidmətindən Trend-ə verilən məlumata görə, görüş zamanı ki ölkə arasında əməkdaşlığın inkişaf etdirilməsi, müqavilə-hüquq bazasının genişləndirilməsi, qarşılıqlı səfər mübadilələrinin həyata keçirilməsi, iqtisadi layihələrin icrası və beynəlxalq təşkilat çərçivəsində əməkdaşlıq məsələləri müzakirə edilib.