Azərbaycan, Bakı, 23 fevral /Trend/
Avropa İttifaqının insan hüquqları üzrə xüsusi nümayəndəsi Stavros Lambiridisin Bakıya səfəri zamanı Azərbaycan və Aİ arasında insan hüquqları sahəsində ikitərəfli əməkdaşlıq məsələləri müzakirə ediləcək. Bu barədə Trendə Aİ-nin Bakıdakı nümayəndəliyindən məlumat verilib.
Səfər fevralın 23-dən 26-dək davam edəcək. Səfər çərçivəsində xüsusi nümayəndə Azərbaycanın yüksəkvəzifəli şəxsləri ilə bir sıra görüşlər keçirəcək.
Qeyd edək ki, S.Lambiridis bu vəzifəyə 2012-ci il sentyabrın 1-də təyin olunub. Onun əsas işi Aİ-nin insan hüquqları sahəsində xarici siyasətinin səmərəliliyinin artırılmasıdır.