...

Elmar Məmmədyarov Aİ Nümayəndəliyinin yeni rəhbəri ilə görüşüb (FOTO)

Siyasət Materials 11 Sentyabr 2017 18:06 (UTC +04:00)
Xarici işlər naziri Elmar Məmmədyarov Avropa İttifaqının Nümayəndəliyinin yeni rəhbəri Kestutis Yankauskası qəbul edib
Elmar Məmmədyarov Aİ Nümayəndəliyinin yeni rəhbəri ilə görüşüb (FOTO)

Bakı. Trend:

Xarici işlər naziri Elmar Məmmədyarov Avropa İttifaqının Nümayəndəliyinin yeni rəhbəri Kestutis Yankauskası qəbul edib.

Nazirlikdən Trend-ə verilən məlumata görə, E.Məmmədyarov Kestutis Yankauskası Avropa İttifaqının Azərbaycandakı Nümayəndəliyinin rəhbəri qismində fəaliyyətə başlaması münasibətilə təbrik edib.

Səfir fəaliyyəti dövründə Azərbaycan və Avropa İttifaqı arasında tərəfdaşlığın inkişafı naminə səylərini əsirgəməyəcəyini bildirib.

Görüşdə Azərbaycan-Avropa İttifaqı arasında tərəfdaşlıq sazişi üzrə danışıqlar prosesinin növbəti mərhələsi ilə bağlı müzakirə aparılıb. Danışıqlar prosesinin konstruktiv və qarşılıqlı anlaşma şəraitində aparılmasından məmnunluq ifadə olunub. Aİ ilə Azərbaycan arasında enerji, nəqliyyat, mülki aviasiya və humanitar sahədə əməkdaşlıq imkanlarına dair fikir mübadiləsi aparılıb.

Ermənistan-Azərbaycan Dağlıq Qarabağ münaqişəsinin və Ermənistanın Azərbaycana qarşı davam edən işğalçılıq siyasətinin region üçün əsas təhdid olduğunu deyən nazir E.Məmmədyarov münaqişənin həlli üzrə aparılan danışıqlar prosesi haqqında məlumat verib.

Məqalədə:
Xəbər lenti

Xəbər lenti