Bakı. Xalid Kazımov, Azad Həsənli - Trend:
İran Azərbaycanla iqtisadi əməkdaşlıq üzrə hökumətlərarası komissiyanın 12-ci iclasının keçirilməsinə hazırdır.
Bunu Trend-ə İranın iqtisadiyyat və maliyyə naziri Məsud Kərbasian deyib.
Nazir qeyd edib ki, iclasın keçirilməsi üçün bütün lazımi işlər görülüb: “Hazırda İran tərəfi Azərbaycanın iclasın keçirilmə vaxtını dəqiqləşdirməsini gözləyir”.
Qeyd edək ki, bir müddət əvvəl hökumətlərarası komissiyanın iclasının İranın Astara şəhərində keçirilməsi planlaşdırılsa da, daha sonra iclas təxirə salınmışdı.