...

İran Azərbaycanla ikitərəfli ticarət münasibətlərin inkişaf prosesindən məmnundur

Siyasət Materials 21 Noyabr 2021 23:09 (UTC +04:00)
İran Azərbaycanla ikitərəfli ticarət münasibətlərin inkişaf prosesindən məmnundur

Bakı. Elnur Bağışov - Trend:

İran Azərbaycanla ikitərəfli ticarət münasibətlərin inkişaf prosesindən məmnundur.

Trend-in məlumatına görə, bunu İran xarici işlər naziri Hüseyn Əmir Abdullahian Azərbaycan Baş nazirin müavini Şahin Mustafayevlə görüşdə deyib.

H. Əmir Abdullahianın sözlərinə görə, iki ölkə arasında ticarət, nəqliyyat, enerji və turizm sektorlarında iqtisadi potensiallardan istifadə edilməlidir.

Əmir Abdullahian əlavə edib ki, Azərbaycanın işğaldan azad edilmiş ərazilərində bərpa işlərinin aparılmasını iki ölkənin iqtisadi münasibətlərində yeni səhifənin başlanğıcı ola bilər. Azad olunan ərazilərdə bərpa işlərində İran şirkətlərinin iştirak etməyə hazırdır.

Abdullahian deyib ki, vaksinasiyada hər iki ölkənin uğurlu addımlarını nəzərə alaraq iki ölkə vətəndaşlarının gediş-gəlişlərini sadələşdirmək və iki ölkə arasında uçuşları bərpa etmək mümkündür.

İranlı nazir İranın ölkələrin ərazi bütövlüyünü dəstəkləməsinə dair daimi mövqeyi və bölgədə beynəlxalq sərhədlərin dəyişliməzliyini qeyd edib.

Məqalədə:
Xəbər lenti

Xəbər lenti