Bakı. Trend:
Türkiyənin xarici işlər naziri Mövlud Çavuşoğlu Türkiyə prezidenti Rəcəb Tayyib Ərdoğan, Fransa prezidenti və İtaliyanın baş naziri arasında danışıqlardan bəhs edib.
Trend-in məlumatına görə, o bildirib ki, prezidentlər "SAMP-T" hava hücumundan müdafiə sistemlərinin birgə istehsalını müzakirə ediblər.
M.Çavuşoğlu Qətərin paytaxtı Dohada keçirilən "Newsmaker" forumuna qatılaraq jurnalistlərin suallarını cavablandırıb.
Əlavə "S-400" sistemlərinin alınması ilə bağlı suala nazir cavab verib ki, bu sistemlərin alınması ilə bağlı sövdələşmə tamamlanıb.
Nazirə ABŞ-ın "S-400" sistemlərinin Ukraynaya təhvil verilməsi təklifi ilə bağlı sualı cavablandıran M.Çavuşoğlu, bu məsələnin müzakirə olunmadığını və gündəmdə olmadığını bildirib.
Nazir təbii qaz təchizatından asılılıq məsələsinə toxunaraq qeyd edib ki, 4 il əvvəl bu rəqəm 51% idisə, bu gün 40% təşkil edir.
Nazir vurğulayıb ki, Türkiyə hərbi sənayenin ehtiyaclarının 70%-dən çoxunu təkbaşına istehsal edir.
O əlavə edib ki, hazırda Türkiyə, Fransa və İtaliyanın birgə səyləri ilə "SAMP-T" hava hücumundan müdafiə sistemlərinin istehsalı ilə bağlı intensiv danışıqlar aparılır.
