Bakı. Trend:
Azərbaycandakı diplomatik missiyam ərzində ölkənin böyük Zəfərinin və torpaqların işğaldan uzun müddətdir gözlənilən azad olunma prosesinin şahidi oldum.
Bu barədə Qazaxıstanın Azərbaycandakı səfiri Serjan Abdıkərimov Qazaxıstanda baş tutacaq seçkilərə həsr olunmuş mətbuat konfransında deyib.
Səfir diplomatik missiyasının müddətinin başa çatdığını və onu Azərbaycana çoxlu sayda xatirələrin bağlayacağını qeyd edib.
O, həmçinin, Azərbaycanla Qazaxıstan arasında qarşılıqlı inama və hörmətə əsaslanmış ikitərəfli münasibətlərin inkişafının davam edəcəyinə əmin olduğunu bildirib.