Bakı. Trend:
Azərbaycanla Özbəkistan arasında siyasi-iqtisadi əlaqələrin inkişafının təməlini Ümummilli Lider Heydər Əliyev qoyub.
Trend xəbər verir ki, bunu Beynəlxalq Münasibətlərin Təhlili Mərkəzinin aparıcı məsləhətçisi Nağı Əhmədov "Özbəkistan və Azərbaycan: əməkdaşlığın yeni üfüqləri" mövzusunda dəyirmi masada deyib.
O, Özbəkistanla Azərbaycanın 2 oktyabr 1995-ci ildə diplomatik əlaqələr qurduğunu xatırladıb.
"Həmin gündən ölkələrimiz siyasi, mədəni və digər ikitərəfli əlaqələri dinamik şəkildə inkişaf etdirir. Bugünədək ölkələrimiz arasında 150-dən çox sənəd imzalanıb. Azərbaycanla Özbəkistan çox bənzər mədəniyyət, dil, adət-ənənələrə malikdir. Heydər Əliyev bunlardan yararlanaraq, bütün istiqamətlərdə ikitərəfli əlaqələrin inkişafının təməlini qoyub", - deyə o əlavə edib.