...

Türkiyə dünyada ədalət və qlobal birlik ideyasına sadiqdir - Fəxrəddin Altun

Siyasət Materials 4 Mart 2025 12:48 (UTC +04:00)
Türkiyə dünyada ədalət və qlobal birlik ideyasına sadiqdir - Fəxrəddin Altun

Bakı. Trend:

Türkiyə Prezident Administrasiyasının Kommunikasiya İdarəsi tərəfindən təşkil olunan "Stratcom Public Forum" çərçivəsində "Daha Ədalətli Bir Dünya Mümkündür" adlı panel iclası keçirilib.

Trend TurkicWorld-a istinadən xəbər verir ki, forum çərçivəsində Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun onlayn çıxış edib.

O bildirib ki, Türkiyə dünyada ədalət və qlobal birlik ideyasına sadiqdir:

"Türkiyə olaraq beynəlxalq arenada ədalətin və bütövlüyün qorunmasına önəm veririk. Bizim bu baxışımız qlobal miqyasda Türkiyənin beynəlxalq inteqrasiyasını hədəfləyir. Son illərdə BMT-nin əsas missiyası və beynəlxalq proseslərə təsiri zəifləyib. Bu kontekstdə Türkiyə Prezidenti Rəcəb Tayyib Ərdoğanın "Dünya beşdən böyükdür" çağırışı daha ədalətli bir dünyanın mümkünlüyünü vurğulayır" - deyə o bildirib.

F.Altun forumun əhəmiyyətini qeyd edib: "Keçirdiyimiz panel müzakirələri müxtəlif baxışları bir araya gətirərək daha güclü dialoq platforması yaratmağı hədəfləyir. Bu forum ədalətli bir dünyanın qurulması istiqamətində inamımızı daha da artırır" - deyə vurğulayıb.

Xəbər lenti

Xəbər lenti