Avropa Şurası Venesiya Komissiyasının seçkilər və referendumlar şöbəsinin əməkdaşı Sergey Kuznetsov noyabrın 6-da Azərbaycanda keçiriləcək parlament seçkilərinin monitorinqində iştirak etmək üçün yaxın günlərdə Bakıya gələcək. Bu barədə Trend ə Avropa Şurasının Bakıdakı informasiya ofisində bildirilib.
VK nümayəndəsinin səfəri çox güman ki, noyabrın 5-də başlayacaq və bu, Azərbaycanın Seçki Məcəlləsi ilə bağlı VK və ATƏT DTİHB-nin oktyabrın 31-də açıqlanmış yekun rəyinin qiymətləndirilməsində böyük əhəmiyyətə malikdir.
Xatırladaq ki, rəy Azərbaycan prezidenti İlham Əliyevin "Parlament seçkilərinə hazırlıq və keçirilməsi ilə bağlı təxirəsalınmaz tədbirlər haqqında" 25 oktyabr tarixli sərəncamının imzalanmasına qədər VK-nın 64-cü plenar sessiyasında (21-22 oktyabr) qəbul olunmuşdu.
Trend-in ən mühüm və maraqlı xəbərlərini "Telegram"da izləyin
