Ermənistanın maneələrinə baxmayaraq, Bakı-Tbilisi-Ahalkalaki layihəsi reallaşdırılacaq. Bu barədə Trend in müxbiri ilə söhbətində Türkiyənin Azərbaycandakı səfiri Turan Moralı bəyan edib.
"Bakı-Tbilisi-AhalkalakiR layihəsinin reallaşdırılması çox ciddi məsələdir. Ermənistan layihə işlərinin dondurmağa çalışır. Lakin buna baxmayaraq, bu dəmiryolu istismara veriləcək", - deyə səfir bildirib və "bunu həm Türkiyə, həm də Gürcüstan və Azərbaycan da istəyir"-deyə türk diplomatı qeyd edib.
Səfir qeyd edib ki, dəmiryolunun tikintisi məsələləri bu istiqamətdə fəal iş aparan Türkiyə-Azərbaycan-Gürcüstan birgə komissiyası çərçivəsində müzakirə olunur.
"Bakı-Tbilisi-Ahalkalaki dəmiryolunun tikintisinin reallaşdırılması çərçivəsində mühəndis-hazırlıq işləri 2006-cı ildə başa çatacaq", -deyə T. Moralı bildirib. Türk diplomatının sözlərinə görə, layihənin maliyyə tərəfi mütəxəssislər tərəfindən ilkin laüihə məruzəsinin hazırlanmasından sonrakı mərhələdə müzakirə ediləcək.