Azərbaycanın Birləşmiş Ərəb Əmirliklərində səfirliyinin tikilməsi üçün sahə ayrılıb. Trend ə verilən məlumata görə, bu barədə Qafqaz Müsəlmanları İdarəsinə BƏƏ-nin Azərbaycanda və Türkiyədə səfiri Həmid Qənim Məhəmməd əl-Qeys QMİ-nin sədri şeyxülislam hacı Allahşükür Paşazadə ilə görüşü zamanı bildirib.
HəmidQənim Məhəmməd əl-Qeys şeyxülislamı Qafqaz Müsəlmanları İdarəsinə 25 il rəhbərlik etməsi münasibətilə təbrik edib və onun islam ölkələri alasında əlaqələrin möhkəmlənməsində xidmətlərini qeyd edib. Qonaq müsəlman ölkələrinə yardım göstərən şeyx Zahid Fondunun, Qırmızı Aypara Cəmiyyətinin və digər fondların fəaliyyəti barədə danışıb. Səfir həmçinin bildirib ki, gələn ilin əvvəllərində Azərbaycan prezidenti İlham Əliyevin Birləşmiş Əprəb Əmirliklərinə səfərinin gözlənildiyini bildirib.
A.Paşazadə qonağı salamlayaraq ölkənin dini idarələrinin fəaliyyəti, onun müsəlman, o cümlədən ərəb ölkələri ilə əlaqələri barədə danışıb. O şeyx Zahid ben Sultan əl-Nahayyanın iki ölkə arasında dostluq əlaqələrinin qurulmasında əlaqələrindən danışıb. Şeyxüülislam şeyx Zahidin Müqəddəs Quranın Azərbaycan dilinə tərcümə olunmasında böyük xidmətindən danışıb.
Dağlıq Qarabağ münaqişəsinə toxunan Allahşükür Paşazadə qeyd edib ki, şeyx Zahid və BƏƏ-nin hazırki rəhbərliyi bu problemin sülh yolu ilə nizamlanması məsələsində daima Azərbaycanı dəstəklədiklərini bildirib.