Trend agentliyinin məlumatına əsasən, iyunun 8-də Azərbaycan prezidenti İlham Əlyiev vətəndaşların 2006-cı il iyulun 1-dən 20-dək həqiqi hərbi xidmətə çağırılması və müddətli həqiqi hərbi xidmət qulluqçularının ehtiyata buraxılması haqqında fərman imzalayıb.
Həqiqi hərbi xidmətə çağırış günü 18 yaşı tamam olmuş 1988-cu il təvəllüdlü və 35 yaşadək olan 1971-1987-ci illərdə doğulmuş vətəndaşlar, eləcə də hərbi çağırışdan möhlət hüququ olmayanlar çağırılır.
"Hərbi xidmət haqqında" qanununda nəzərdə tutulmuş xidmət müddətini keçmiş əsgər, cavuş və motroslar isə həmin müddətdə ehtiyata buraxılır.