...

"Avropa Gənclər Proqramları: imkanlar və perspektivlər" mövzusunda seminarlar avqustun 12-də başa çatır

Siyasət Materials 12 Avqust 2006 11:34

Trend-i buradan izləyin

Azərbaycan Respublikasının Gənclər və İdman Nazirliyinin Lənkəran şəhərində təşkil etdiyi Lənkəran-Astara zonası üzrə "Avropa Gənclər Proqramları: imkanlar və perspektivlər" mövzusunda təşkil etdiyi seminarlar avqustun 12-də başa çatır. Trend xəbər verir ki, seminarların keçirilməsində məqsəd regionlarda fəaliyyət göstərən

gənclər təşkilatlarının liderləri və fəallarına Avropa Gənclər Proqramları barədə ətraflı məlumat verməkdir.

Qeyd edək ki, belə bir seminar 27-29 iyul 2006-cı ildə Gəncəbasar zonası üzrə Mingəçevir şəhərində keçirilib.

Seminarlarda dövlət gənclər siyasətinin əsas istiqamətləri, Avropa Şurasının hökumətlərarası gənclər strukturları, Avropa İttifaqının "Youth in Action" proqramı haqqında təqdimat, Avropa gənclər strukturları ilə əməkdaşlıq əlaqələrinin inkişaf etdirilməsi və gənclər təşkilatlarının layihələrinin həyata keçirilməsinə kömək göstərmək məqsədilə yerli gənclər şəbəkəsinin yaradılması imkanları, Avropada və dünyada fəaliyyət gösətərən gənclər strukturları və Azərbaycan gənclərinin həmin strukturlarda təmsil olunma məsələsi barədə iştirakçılara ətraflı məlumat təqdim edilib.

Seminarlar avqustun 10-dan başlayıb.

Xəbər lenti

Xəbər lenti