Naxçıvan MR Rabitə və İnformasiya Texnologiyaları Nazirliyinin təsərrüfat hesablı müəssisələrində çalışan işçilərin əmək haqları müəssisənin gəlirlərinə uyğun olaraq orta hesabla 25% artırılıb.
Trend in Naxçıvan Bürosu xəbər verir ki, Naxçıvan MR Ali Məclisi sədri Vasif Talıbovun 05 dekabr 2006-cı il tarixli sərəncamı adıçəkilən nazirliyin təsərrüfat hesablı müəssisələrində çalışan işçilərin sosial müdafiəsinin gücləndirilməsi məqsədilə imzalanılıb. Sərəncam dekabrın ilk günündən qüvvəyə minir.
Vasif Talıbovun eyni tarixdə imzaladığı digər sərəncama əsasən isə, Naxçıvan MR Gənclər və İdman nazirinin müavini Namiq Adil oğlu Əliyev vəzifəsindən azad edilib.
