Bu gün Gəncə-Xanlar marşrutu uzrə işləyən sərnişin nəqiliyyatı vasitlərinin sürücüləri sərnişinləri daşımaqdan imtina ediblər. Trendin Qərb Bürosunun verdiyi məlumata görə sürücülər gediş haqqının aşağı olmasından narazılıqlarını bildiriblər.
Sürücülər bildiriblər ki, yanacağın qiyməti artandan sonra bu xətt üzrə işləmək sərf etmir. "Şəhərdaxili marşurutlar 3-4 kilometr yol gedir. Onlarda gediş haqqı 10 qəpikdir. Lakin biz 30 kilometrə yaxın yol qət edirik, bizldə də gediş haqqı 10 qəpikdir. Heç yanacağın pulunu belə çatdıra bilmirik" deyə sürücülərdən biri qeyd etdi.
"GəncəAvtovağzal" Açıq Tipli Səhmdar Cəmiyyətinin sədri Namiq Həsənov Trendə bildirdi ki, Gəncə-Xanlar maruşrutu üzrə işləyən sürücülər etirazlarını bildirsələr də müəyyən vaxtdan sonra yenidən xəttə işləməyə razılıq veriblər. Müsahib bildirdi ki, Tarif Şurasının qərarı olmadan heç bir qiymət artımı aparıla bilməz. "Biz bu barədə Respublika Tarif Şurasına və Avtonəqiliyyat Departamentinə müraciət etmişik. Ümid edirik ki, yaxın günlərdə bu məsələyə baxılacaq. Biz təxmini hesablamışıq ki, Xanlar-Gəncə marşurut üzrə işləyən mikroavtobuslarda gediş haqqı heç olmasa 20 qəpik olmalıdırsun" deyə N. Həsənov bildirdi.