Azərbaycan İslam Partiyasının sədri Hacıağa Nuri və partiyanın rəhbərliyinə daxil olan digər şəxslərdən ibarət qrup Həcc ziyarətindən qayıdıb. Bu barədə Trend ə partiyanın sədri Hacıağa Nuri məlumat verib.
Həcc ziyarətində partiyanın sədrindən başqa Aparatın, Məclisin üzvləri, mətbuat məsələləri üzrə sədr müavini, bir neçə rayon təşkilatının sədrləri də olublar. İslam Partiyasının funksionerlərindən ibarət olan 10 nəfərlik qrup Azərbaycana qayıdarkən səhhətlərində problem yaranıb. H.Nurinin sözlərinə görə, zəvvarları gətirən avtobus Türkiyə ərazisində Ağrıdağ yaxınlığından keçəndə maşında texniki nasazlıq yaranıb. Soyuq hava şəraitinə düşən zəvvarların səhhətində problemlər yaranıb. Hazırda ev şəraitində müalicə olunan Hacıağa Nuriyə həkimlər sətəlcəm diaqnozu qoyublar.