Hakim Yeni Azərbaycan Partiyaıının (YAP) Kürdəmir rayon təşkilatının III konfransı keçirilib.
Trend in məlumatına görə, konfransda bildirilib ki, toplantıya hazırlıq mərhələsində rayon təşkilatı şurasının müvafiq qərarı ilə təşkilat komitəsi yaradılıb və 114 ərazi ilk partiya təşkilatında hesabat-seçki yığıncaqları keçirilib.
Bildirilib ki, III konfransa 400 nəfər nümayəndə seçilib ki, onlardan da 394 nəfəri konfransın işində iştirak edir.
Konfransda partiyanın Kürdəmir rayon təşkilatının sədri Ağəli Kərimli hesabat məruzəsi ilə çıxış edərək keçən dövrü təhlil edib və qarşıda duran məsələlərdən danışıb.
Təşkilat sədrinin hesabatında qeyd olunub ki, partiyanın III qurultayında qəbul olunan qərarların, eləcə də YAP İcra Katibliyinin tövsiyyə və tapşırıqlarının dəqiq və vaxtında yerinə yetirilməsinə hər zaman səy göstərilib və buna əsasən nail olunub. Rayon təşkilatı hesabat dövründə təşkilati işləri diqqət mərkəzində saxlayıb, ilk partiya təşkilatlarının sayı 106-dan 114-ə çatdırılıb. Qeyd olunub ki, təşkilatın II konfrans ərəfəsində 3607 nəfər üzvü var idisə, indi onların sayı 4560 nəfərə çatıb. Rayonda ümumi YAP üzvlərinin 44,7 faizini gənclər, 37,6 faizini isə qadınlar təşkil edir.
Konfransda Yeni Azərbaycan Partiyası Siyasi Şurasının üzvü, Milli Məclisin deputatı Mirkazım Kazımov, YAP SŞ üzvü, "İki sahil" qəzetinin baş redaktoru Iüqar Rəhimzadə də iştirak edib.
Konfranıda həmçinin təşkilati məsələlərə baxılıb. Ağəli Xanbaba oğlu Kərimli konfrans nümayəndələrinin səs çoxluğu ilə yenidən YAP Kürdəmir rayon təşkilatının sədri seçilib.
Konfrans nümayəndələri həmçinin rayon təşkilatının 45 nəfərdən ibarət şuraıını, 15 nəfər tərkibdə idarə heyətini və 5 nəfərdən ibarət nəzarət təftiş qrupunu seçiblər.
Konfransın sonunda Azərbaycan Respublikaıının prezidenti, YAP sədri İlham Əliyevə müraciət qəbul olunub.
Qeyd edək ki, hakim Yeni Azərbaycan Partiyası 1992-ci ildə Naxçıvanda yaradılıb. 14 ildi hakim partiya olan YAP-ın ilk sədri mərhum eks-prezident Heydər Əliyev olub. Partiyanın hazırkı sədri prezident İlham Əliyevdir.