Azərbaycan, Bakı / Trend müxbir İ.Əlizadə/ Fevralın 23-də Azərbaycan parlamentinin nümayəndə heyəti Xocalı soyqırımının 15-ci ildönümünə həsr edilmiş beynəlxalq konfransda iştirak etmək üçün Hollandiyanın Lahey şəhərinə yola düşəcək. Tədbirdə Milli Məclisin deputatları Musa Quliyev, Elman Məmmədov, Qənirə Paşayeva və Vidadi Məmmədov Xocalı soyqırımı barədə həqiqətləri Avropa ictimaiyyətinə çatdıracaqlar.
Türkiyənin İqdır Bələdiyyəsinin təşəbbüsü ilə Hollandiyada keçiriləcək həmin konfransda 1992-ci il fevralın 25-dən 26-na keçən gecə Dağlıq Qarabağın Xocalı şəhərində ermənilərin xüsusi qəddarlıqla törətdikləri soyqırımla bağlı videomateriallar, tarixi sənədlər nümayiş etdiriləcək, faciənin miqyaslarından və acı nəticələrindən bəhs edən məruzələr oxunacaq, XX əsrdə azərbaycanlılara və türklərə qarşı amansız qətliamlar törətmiş erməni millətçilərinin iç üzü ifşa olunacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
