Azərbaycan, Bakı / müxbir Trend İ.Əlizadə/Avropada miqrasiya probleminə həsr olunmuş məruzə Avropa Şurası Parlament Assambleyasının yay və ya payız sessiyasında müzakirəyə çıxarılacaq. Bu barədə jurnalistlərə açıqlamasında Azərbaycanın Avropa Şurası Parlament Assambleyasındakı (AŞPA) nümayəndə heyətinin sədr müavini, millət vəkili Gültəkin Hacıyeva bildirib.
Qeyd edək ki, AŞPA-nın Miqrasiya, Qaçqınlar və Məskunlaşma Komitəsində miqrasiya problemlərinə həsr olunmuş məruzə hazırlanıb. Məruzənin müəllifi Gültəkin Hacıyevadır. Məruzə mart ayında komitədə müzakirə olunacaq.
G.Hacıyeva hesab edir ki, Azərbaycanın miqrasiya ilə bağlı qanunvericiliyinin təkmilləşdirilməsinə də ehtiyac var.
