Azərbaycan, Bakı / Trend , müxbir İ.Əlizadə/ NATO Parlament Assambleyası (PA) sədrinin müavini, Rumıniyanın NATO PA-dakı nümayəndə heyətinin rəhbəri Mihail Lupoi cümə axşamı Azərbaycana səfərə gəlib.
NATO PA sədrinin müavini Fəxri Xiyabanda Azərbaycanın eks-prezidenti Heydər Əliyevin məzarını və Şəhidlər Xiyabanını ziyarət edib.
Milli Məclisdə Heydər Əliyevin Xatirə zalı ilə tanışlıqdan sonra Lupoi parlamentin sədri Oqtay Əsədov, NATO PA-dakı Azərbaycan nümayəndə heyətinin üzvləri, habelə sənaye və energetika naziri Natiq Əliyev, səhiyyə nazirinin müavini Abbas Vəlibəyov ilə görüşəcək.
Lupoini Azərbaycan prezidenti İlham Əliyevin qəbul edəcəyi də gözlənilir.