Azərbaycan, Bakı/ Trend müxbir S.Əliyev/Azərbaycan Dövlət Neft şirkəti "Neft daşları" yatağında N1887 platformasında qazılmış yeni quyunun istismarına başlayıb. Bu barədə çərşənbə axşamı ARDNŞ-dən məlumat verilib.
Quyunun dərinliyi 2800 metr, sutkalıq debiti isə 90 ton neft təşkil edir. Bu quyu ilə həmin platformadan qazılmış quyuların sayı 6-ya çatdırılıb. Bu quyulardan neftin sutkalıq hasilatı 400 ton təşkil edir. Quyuların yarıqlarında daha 5-6 məhsuldar qat var.
Platforma "Neft daşları" yatağının şimal-şərq qanadında beiinci tektonik zonadars blokda quraşdırılıb. Platforma ötən ilin noyabrında istismara verilib.
Geoloqların qiymətləndirməsinə əsasən, platformanın quraşdırıldığı sahədə neft ehtiyatlarının həcmi 8 mln. tona bərabərdir. Platformadan 32 maili quyunun qazılması nəzərdə tutulub. Daha öncə platformanın yerində "Xəzər-4" üzən qazma qurğusu ilə 4 ilkin quyu qazılmışdı ki, bunlar da platformanın quraşdırılmasından sonra ona birləşdirilib. Hər il 1887 platformasında 6 quyu qazılması nəzərdə tutulur. Bütün quyular istismara verildikdən sonra platformada sutkalıq hasilat 1000 ton neftə çatdırılacaq.
