Azərbaycan, Bakı, 21 iyun / Trend , müxbir K.Zərbəliyeva/ Bayıldakı 1 saylı İstintaq Təcridxanasına narkotik keçirilməsinin qarşısı alınıb.
Penitensiar Xidmətin mətbuat xidmətinin yaydığı məlumata görə, iyunun 20 - də təcridxanada saxlanılan 22 yaşlı məhkum Allahverdiyev Ruslan İqoroviçlə görüşə gələn Naxçıvan MR Şərur rayonunun Qarabağlar kənd sakini Əsgərov Çölü Xudeş oğlunun gətirdiyi sovqatın içərisindəki qablaşdırılmış pendirdən ümumi çəkisi 3 qrama yaxın olan narkotik maddə- heroin aşkar edilərək götürülüb.
Allahverdiyev Cinayət Məcəlləsinin qulduqluq maddəsi ilə təqsirli bilinərək, 13 il müddətinə azadlıqdan məhrum edilib.Fakt üzrə aşkar olunmuş narkotik vasitə və saxlanılmış şəxs istintaq aidiyyətı üzrə Səbail rayon Polis İdarəsinə təhvil verilib.
Müəlliflə əlaqə saxlamaq üçün elektron ünvan - [email protected]
