Azərbaycan, Bakı, 13 yanvar / Trend , müxbir H.Bağırov/
Gürcüstanda quldurluq etməkdə təqsirli bilinən Azərbaycan vətəndaşına hökm oxunub.
Trend -un məlumatına görə, bu gün Ağır Cinayətlərə Dair İşlər üzrə Məhkəmənin hökmü ilə Mehman Xəlilov 9 il müddətinə azadlıqdan məhrum edilib.
Təqsirləndirilən şəxs Cinayət Məcəlləsinin quldurluq (181) və qanunsuz silah gəzdirmə (228) maddələri ilə ittiham olunub.
Xəlilov 2009-cu ilin yayında Gürcüstan Respublikasında olduğu müddət ərzində quldurluq edib. O, Gürcüstan vətəndaşlarına bıçaqla hədə-qorxu gələrək, onların pullarını və mobil telefonlarını alıb.