...

Azərbaycanda özəl klinikanın mühasibini qətlə yetirən şəxslərin cinayət işi üzrə məhkəmə başlayıb

Cəmiyyət Materials 3 May 2010 14:19 (UTC +04:00)
Azərbaycanda özəl klinikanın mühasibini qətlə yetirən şəxslərin cinayət işi üzrə məhkəmə başlayıb.

Azərbaycan, Bakı, 3 may /Trend, müxbir H.Bağırov/

Azərbaycanda özəl klinikanın mühasibini qətlə yetirən şəxslərin cinayət işi üzrə məhkəmə başlayıb.

Trend-in məlumatına görə, bu gün Ağır Cinayətlərə Dair İşlər üzrə Məhkəmədə "Modern-Hospital" klinikasında baş mühasib işləyən Firamin İsa oğlu Əsədovu xüsusi amansızlıqla qətlə yetirməkdə ittiham olunan kilnikanın baş mühafizəsi üzrə mühəndisi vəzifəsində işləmiş Ceyhun KərimovZaur Qasımovun cinayət işi üzrə məhkəmənin hazırlıq iclası keçirilib.

Məhkəmə baxışı mayın 13-nə təyin edilib.

İttihama görə, Firamin Əsədovun meyiti Əzizbəyov rayonunun Türkan qəsəbəsinə gedən yolun kənarında yanmış vəziyyətdə "KİA SPORTAGE" markalı avtomaşından tapılıb. Onun öldürülməsi barədə Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanılıb.

Qətl hadisəsi ilə bağlı Daxili İşlər, Milli Təhlükəsizlik nazirlikləri və Respublika Prokurorluğunun əməkdaşlarından ibarət istintaq-əməliyyat qrupu yaradılıb. İş üzrə məhkəmə-kompleks ekspertizaları təyin edilib, çoxlu sayda şahidlər dindirilib, zəruri axtarış-götürmə və digər təxirəsalınmaz istintaq hərəkətləri həyata keçirilib.

Həyata keçirilmiş birgə istintaq-əməliyyat tədbirləri nəticəsində cinayəti törədənin 1980-ci ildə anadan olmuş, qeyd edilən klinikada əməyin mühafizəsi üzrə mühəndis vəzifəsində işləyən Ceyhun Kərimov və Zaur Qasımov olduğu müəyyən edilərək, həbs ediliblər.

İstintaq müəyyən edib ki, təqsirləndirilən şəxslər Əsədovu tamah məqsədi ilə qətlə yetiriblər. Təqsirləndirilənlər Əsədovu qətlə yetirəndən sonra mərhumun cibində olan iş açarlarını və üstündəki 50 manat pulu və həmin gecə iş yerinə gələrək Firamin Əsədovun iş otağındakı seyfdən 6 min 800 manat pul götürüblər.

Təqsirləndirilən şəxslər Cinayət Məcəlləsinin bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adamöldürmə (120.2.1), xüsusi amansızlıqla və ya ümümi təhlükəli üsulla adamöldürmə (120.2.4), tamah məqsədi ilə və ya sifarişlə, habelə zərərçəkmiş şəxsin orqanlarından və ya toxumalarından istifadə etmək məqsədi ilə adamöldürmə (120.2.5), başqa cinayəti gizlətmə və ya onun törədilməsini yüngülləşdirmə məqsədi ilə, habelə zorlama və ya seksual xarakterli başqa zorakı hərəkətlərlə əlaqədar adamöldürmə (120.2.6) maddələri ilə ittiham edilirlər.

Xəbər lenti

Xəbər lenti