Azərbaycan, Bakı, 8 oktyabr /Trend, müxbir K. Zərbalıyeva/
Azərbaycana zərərli dini ədəbiyyatın idxalı azalıb, - Trend-in məlumatına görə, bunu cümə günü hakim Yeni Azərbaycan Partiyasının qərargahında keçirdiyi mətbuat konfransında Dini Qurumlarla İş üzrə Dövlət Komitəsinin sədri Hidayət Orucov bildirib.
"Ölkəyə ötən il 2 391 adda dini ədəbiyyatın idxal edilməsinə təşəbbüs olub. Onlardan 385-i zərərli olduğu üçün geri qaytarılıb. Bu il avqustun 1-dək 993 adda dini ədəbiyyatın idxal edilmək təşəbbüsü olub. Onlardan 125-i zərərli olduğu üçün geri qaytarılıb", - Orucov deyib.
Orucovun sözlərinə görə, bu ədəbiyyatların ölkəyə gətirilməsi ilə dinlər, təriqətlər arasında ədavət yaratmaq istəyirlər və bu, dinin siyasiləşdirilməsi istiqamətində fəaliyyət göstərən qüvvələrin marağındadır.