...

Üç nəfərin qətlində şübhəli bilinən azərbaycanlı Gürcüstanda tutulub (YENİLƏNİB)

Cəmiyyət Materials 6 Dekabr 2010 16:23 (UTC +04:00)
Karaqaci kəndində üç nəfərin öldürülməsində şübhəli bilinən İlqar Kərimov Kaxeti Daxili İşlər Baş İdarəsinin əməkdaşları tərəfindən heyvandarlıq fermalarından birində tutulub.
Üç nəfərin qətlində şübhəli bilinən azərbaycanlı Gürcüstanda tutulub (YENİLƏNİB)

RED. əlav.: yeni təfərrüatlar əlavə olunub

Gürcüstan, Tbilisi, 6 dekabr /Trend, müxbir N.Kirsxaliya/

Karaqaci kəndində üç nəfərin öldürülməsində şübhəli bilinən İlqar Kərimov Kaxeti Daxili İşlər Baş İdarəsinin əməkdaşları tərəfindən heyvandarlıq fermalarından birində tutulub.

1985-ci il təvəllüdlü Kərimov avtomat silahdan atəş açmaqla, Siqnaxi rayonunun (Şərqi Gürcüstan) Karaqaci kəndində yerləşən yanacaqdoldurma məntəqəsində 1987-ci il təvəllüdlü Murad Şanşiaşvilinin, 1986-cı il təvəllüdlü İlia Papuaşvilinin və 1974-cü il təvəllüdlü Vaja Natroşvilinin qətlində, eləcə də 1984-cü il təvəllüdlü Nikoloz Papaşvilini yaralamaqda təqsirləndirilir. Bu barədə Trend-ə Gürcüstan DİN-dən məlumat verilib.

Əşyayi dəlillər - AKS avtomatı və 16 patron ekspertizaya göndərilib.

İstintaq azadlıqdan məhrumetməni nəzərdə tutan Gürcüstan Cinayət Məcəlləsinin 109-cu maddəsi ilə aparılır.

Bundan əvvəl Siqnaxi rayonunun (Şərqi Gürcüstan) Karaqaci kəndinin sakinləri üç nəfərin qətlinə görə axtarışda olan İlqar Kərimovu daşqalaq etməyi tələb etmişdilər.

Xəbər lenti

Xəbər lenti