İsveç, Stokholm, 8 dekabr /Trend, xüsusi müxbir Ü.Sadıxova/
Londonda keçiriləcək Dünya Azərbaycanlıları Konqresinin (DAK) 11-ci qurultayında yeni sədr və icraiyyə komitəsinin üzvləri seçiləcək. Bu barədə Trend-ə İsveç DAK-ın rəhbəri Emil Mirzəyev məlumat verib.
DAK-ın qurultayı dekabrın 11-12-də Böyük Britaniyanın paytaxtı Londonda Azərbaycan diasporunun Avropa, Rusiya və ABŞ-dan olan nümayəndələrinin, eləcə də Azərbaycanın elm və ictimai xadimlərinin iştirakı ilə keçiriləcək.
Mirzəyevin sözlərinə görə, yeni sədrin və icraiyyə komitəsi üzvlərinin seçilməsi ilə yanaşı, nümayəndələr Konqresin Bakıda fəaliyyət göstərən ofisinin əvəzinə, Avropa və ABŞ-da yeni ofisinin açılmasını müzakirə etməyi planlaşdırırlar.
DAK 1997-ci ildə Los-Ancelesdə yerli Azərbaycan icmasının nümayəndələri tərəfindən yaradılıb. Konqresin son qurultayı 2008-ci ildə Brüsseldə keçirilib.
Hazırda Konqresə iki həmsədr - Paşa Qəlbinur və Məhəmməd Rza Xeşti rəhbərlik edirlər.
Qurultayın gündəliyinə dünya ictimaiyyətinin nəzərinə Dağlı Qarabağ münaqişəsi və İranda yaşayan 35 milyon azərbaycanlının hüquqlarının pozulması haqqında həqiqətin çatdırılması məsələləri daxildir.
İcraiyyə komitəsinin üzvü Mirzəyev iki həmsədr əvəzinə bir sədrin təyin edilməsi barədə təklif irəli sürməyi planlaşdırır.
Konqresin əsas məqsədi xaricdə yaşayan azərbaycanlıların hüquq və maraqlarının qorunmasıdır. 2005-ci ildə Konqresin nizamnaməsi əsasında bir ildən sonra iki yerə bölünən Məclis yaradılıb.
Bazar ertəsi Almaniyanın Bonn şəhərində Sabir Rüstəmxanlı və Firuddin Pərvizniyanın həmsədrliyi ilə DAK-ın ikinci qrupunun nümayəndələrinin qurultayı başa çatıb.
Mirzəyev bildirib ki, qurultayın ilk günü - dekabrın 11-i İran hakimiyyəti tərəfindən devrilən 1945-ci ildə İranın şimalında Azərbaycan Demokratik Respublikasının banisi Seyid Cəfər Pişəvərinin xatirəsinə həsr olunacaq.
