Azərbaycan, Bakı, 25 dekabr /Trend, müxbir K.Zərbalıyeva/
Konstitusiya Məhkəməsi Nərimanov rayon məhkəməsinin müraciəti ilə bağlı qərar qəbul edib.
Konstitusiya Məhkəməsindən Trend-ə verilən məlumata görə, Fərhad Abdullayevin sədrliyi ilə keçirilən iclasda Bakı şəhəri Nərimanov rayon məhkəməsinin müraciəti əsasında konstitusiya işinə baxılıb.
Müraciətlə bağlı qəbul edilən qərarda qeyd olunur ki, Cinayət Məcəlləsinin 68.2-ci maddəsində nəzərdə tutulmuş cəzalar toplandıqda məhkumluğun ödənilmə müddətinin axımı cinayətlərin və ya hökmlərin məcmusu üzrə təyin edilmiş qəti cəzanın çəkilib qurtarması və ya cəzadan azad edilməsi anından başlayır.