Azərbaycan, Bakı, 4 mart /Trend, müxbir E.İsmayılov/
Azərbaycan Futbol Federasiyaları Assosiasiyasının (AFFA) 2010-cu ildə reklamdan əldə olunan gəlirləri 830 min manat olub. Trend-in məlumatına görə, bu barədə cümə günü AFFA-nın konfransında açıqlanan maliyyə hesabatında bildirilib.
2010-cu ildə qurumun gəlirlərinin məbləği ümumilikdə 966 min manat olub. Millinin oyunlarına bilet satışından AFFA-nın büdcəsinə 136 min manat daxil olub.