Azərbaycan, Bakı, 20 oktyabr /Trend, müxbir A.Axundov/
Bakıda Dənizkənarı Milli Parkda velosipedçilər üçün xüsusi zolaq yaradılacaq. Trend-in məlumatına görə, bu barədə cümə axşamı "BakuBuild 2011" sərgisi çərçivəsində Xəzər-Avropa İnteqrasiya İşgüzar Klubunun (CEIBC) keçirdiyi geniş iclas zamanı Bakı Dənizkənarı Milli Park İdarəsinin rəis müavini Nazim Məcidov deyib.
"Bu zolaq ayrıca rənglə ayrılacaq və günün 24 saatı işləyəcək", - Məcidov bildirib.
Onun sözlərinə, Dənizkənarı Parkın tikilməkdə olan yeni hissəsində uşaqlar, qocalar üçün də idman meydançası olacaq.
"Bununla yanaşı, əlillərin maraqları da nəzərə alınacaq", - Məcidov deyib.